^{Bildet: Livet går videre i Nepal. På bildet: Risbønder}

Av Ragnhild Skeie, utsending til Nepal for Tibetmisjonen

Me venta spent heilt til siste nikk på kva som ville skje. Kl. 23.40 den 28 mai bestemte dei 3 største partia seg for å forlengja fristen for skriving av grunnlova med eit år. Dette forhindra kaos og nye uroligheter i landet, til stor letting for folk flest. Det såg veldig vanskeleg ut heilt til siste minutt.

Takk til alle som har bedt for land og folk. Vonar de fortset med det. Det er nemleg ikkje over enno. Det vart sett ein del kriterium for semja om forlenging, nokre av desse kriteria er nedskrivne, andre ikkje. Maoistane krev no at statsministeren må gå og før det skjer krev dei andre partia at maoistane må leggja fram ein plan for avvikling av hæren sin.

Det var ein del av dealen at statsministeren skulle gå, men når det kjem til stykkjet, er det stadig nye ting som må oppfyllast før han forlet stolen.

Be om at dei som sit i den grunnlovsgjevande forsamlinga ikkje enno ein gong forspiller sjansen ved ikkje å gjera jobben sin, særleg gjeld dette leiarane. Be om at eigne posisjonar ikkje blir det viktigaste, men at landet får ei god grunnlov å styra etter – til beste for eit folk som ventar.

Be og framleis for kyrkja sin rolle i samfunnet. Det er mange frimodige kristne her som vitnar om si tru – og veldig mange som har fått endra liva sine etter at dei kom til tru.

Takk til alle dykk som hugsar på Nepal og oss i arbeidet her.